Республикалық мемлекеттік академиялық корей музыкалық комедия театры бай тарихымен танымал. Бұл бастапқыда 1932 жылы Владивостокта құрылған Қиыр Шығыс өлкелік корей театры болды. Сол жылдары Кореяны империялық Жапония басып алды және оның аумағында корейлердің ұлттық мәдениетінің барлық көріністеріне тыйым салынған болатын. Сондықтан біздің театр-Корей түбегінен тыс жерде жұмыс істейтін жалғыз мемлекеттік корей театры ғана емес, сонымен қатар әлемдегі ең алғашқы мемлекеттік ұлттық корей театры.
Театр репертуарында — ұлттық және заманауи корей спектакльдері, сондай-ақ қазақстандық және шетелдік драматургтердің қойылымдары бар. Барлық спектакльдер корей тілінде ілеспе аудармамен орындалады. Театр өзінің тарихы бойында бүкіл бұрынғы КСРО-дағы кәрістер диаспорасының және Қазақстанның мәдениет орталығы болды, мемлекеттік қолдаудың және шығармашылық интеллигенциясы үздік өкілдерінің күш-жігерінің арқасында қалыптасқан этномәдени құбылыс болды.
